«Տվյալների կառուցվածքներ և ալգորիթմներ» դասընթաց
Վանաձորի Տեխնոլոգիական կենտրոնը և «Ձեռնարկությունների Ինկուբատոր» հիմնադրամը հայտարարում են «Տվյալների կառուցվածքներ և ալգորիթմներ» դասընթացը:
ՆԿԱՐԱԳԻՐ
Դասընթացի նպատակն է՝ մասնակից-ունկնդրին ծանոթացնել տեղեկատվական տեխնոլոգիաների ոլորտում որոշիչ դերակատարում ունեցող ճյուղերից մեկի՝ տվյալների կառուցվածքների և ալգորիթմների հիմունքների հետ։ Մասնավորապես, հատուկ ուշադրության կարժանանան ալգորիթմների վերլուծություն և խնդրի հաշվողական բարդության հետ կապված հարցերը, տվյալների հենքային կառուցվածքները (զանգված, ցուցակ, ստեկ, հերթ, կույտ, դեկ և այլն), հեշ-աղյուսակները, ծառային կառուցվածքները և բոլոր այդ կառուցվածքների նկատմամբ կիրառվող ալգորիթմները: Ունկնդիրներին կներկայացվի դասընթացում ներկրված տվյալների կառուցվածքների և ալգորիթմների ծրագրային իրագործումը C++ լեզվով:
Դասընթացին մասնակցելու համար նախնական գիտելիքներ՝ հենքային գիտելիքներ «Մաթեմատիկա», «Ինֆորմատիկա» և «Ծրագրավորման հիմունքներ» առարկաներից:
ՀԻՄՆԱԿԱՆ ԹԵՄԱՆԵՐ
- Հիմնական գաղափարներ։
- Տվյալների տարրական կառուցվածքներ։
- Տեսակավորումներ (սորտավորումներ):
- Հեշ-աղյուսակներ։
- Ծառեր:
ԱԿՆԿԱԼՎՈՂ ԿՐԹԱԿԱՆ ՎԵՐՋՆԱՐԴՅՈՒՆՔՆԵՐ
Դասընթացի մասնակիցը ուսումնառության արդյունքում պետք է.
իմանա դասընթացի ծրագրում ներառված հիմնական ալգորիթմները, տվյալների հիմնական տիպերը և կառուցվածքները, նրանց հետ աշխատելու հիմնական տեսական սկզբունքները,
տիրապետի դասընթացի ծրագրում ներառված տվյալների հիմնական տիպերի և կառուցվածքների նկատմամբ կիրառվող մեթոդներին և ալգորիթմներին, ինչպես նաև նրանց հիման վրա ավելի բարդ ալգորիթմների մշակման գործընթացին և գործիքակազմին,
կարողանա կիրառել դասընթացի ծրագրում ներառված ալգորիթմները, տվյալների հիմնական տիպերը և կառուցվածքները՝ ավելի բարդ ալգորիթմների և ծրագրերի մշակման ընթացքում, համակարգային և կիրառական ծրագրավորման տարաբնույթ խնդիրների լուծման համար:
ԱՅԼ ՄԱՆՐԱՄԱՍՆԵՐ
Դասընթացի մեկնարկ.Պարբերական
Դասընթացի տևողությունը. 48 ժամ /8շաբաթ/24օր
Դասընթացի արժեքը. 15,000 ՀՀԴ
Մասնակիցների ընտրությունը՝ հարցազրույցի միջոցով:
Դասընթացին կարողեք գրանցվել հետևյալ հղումով. https://goo.gl/ZiqqNh
Մանրամասների համար կարողեք զանգահարել 060 74 97 05 (աշխատանքային ժամը՝ 9։30-18։30), գրել [email protected] կամ այցելել Վանաձորի տեխնոլոգիական կենտրոն (Շինարարների 12):